في العادي بحب اول مصحي اشوف ايه اللي بيحصل في البلد . وقد كان فتحت صفحه اخباريه ولقيت الخبر التالي .....
اتهمت مباحث الاموال العامة رسميا خلال تحقيقات النيابة التي اجرتها اليوم في قضية اكياس الدم الملوثة الدكتور هاني سرور عضو مجلس الشعب ورئيس شركة هايدلينا بتزوير رخصة خط انتاج اكياس الدم.
وهوا دا الخبر
طبعا دا اول القصيده
الموضوع طبعا مش محتاج مني اضافه ولا تعليق بس اقدر اقول ان من الاخر ...المواطن المصري بقي ملوش لزمه بمعني ان لو مات في داهيه وعلي رأي البهظ بيه ......ياسيدي خليها تخف وخلوا بالكو ان احنا بنينا تلت اهرامات يعني حتي لو واحد نقلولوا دم ملوث حتي بالاديز مش هيجرالوا حاجه والايدز هوا اللي هيجرالوا ......!!!! طبعا لان المصريين عندهم صحه تكفي بلد وانا مش بقر . ربنا يدي المصريين الصحه والعافيه ويصبرهم علي الدم الملوث والمياه الملوثه وكمان مستوي ارتفاع التلوث في القاهره الي عشره اضعاف المستوي العادي اللي ممكن يعيش فيه بني ادم ....ومننساش الاكل الي كله اسمده مسرطنه وبلاش اكمل عشان نفسكوا متتسدش انا عارف الشعب دا اكيل وبيموت في الطبيخ ....... اختصارا دا شئ بسيط واحنا قده وقدود واللي خلنا نعبر القناه وفيها نبالم يخلينا نعيش حتي بدم ملوث .......!!!!!! وعلي رأي الزعيم احنــــــــــــــــــــــــــا بتوع النبالم
3 comments:
اولاً انا سعيد جداً بيك و كمان سعيد بانى اول واحد يعلق فى مدونتك على الاطلاق
و كمان احب اقولك ان الشعب المصرى يفوت فى الحديد و معدته تهضم الزلط و الايدز بالنسبه له انفلوانزا
تحياتى و رجاء الاستمرار
واحد من بيتوع النبالم
اولاً انا سعيد جداً بيك و كمان سعيد بانى اول واحد يعلق فى مدونتك على الاطلاق
و كمان احب اقولك ان الشعب المصرى يفوت فى الحديد و معدته تهضم الزلط و الايدز بالنسبه له انفلوانزا
تحياتى و رجاء الاستمرار
واحد من بيتوع النبالم
عزيزي هواي مي شكرا علي التعليق واظاهر انه اول واخر تعليق في المدونه
Post a Comment